SISD Poetete Lodudu, 05 Junho 2026 Sekretaria Estadu Komunikasaun Sosial (SEKOMS), lansa plataforma suku Digital iha suku Poetete Lodudu postu administrativo Ermera sexta semana ne’e (05/06) iha Poetete Lodudu.

Diretor Nasional Dezemvolvimentu Media (DNDM) Adriano Monteiro ne’ebe representa (SEKOMS) hateten programa Suku Digital importante tebes atu hasa’e asesu komunidade ba informasaun no teknolojia digital, hodi haforsa komunikasaun entre governu no povu iha nivel suku. Programa ida ne’e mos hakarak promove literasia dijital no fasilita disseminasaun informasaun ofisial ba komunidade, Munisipio, Nasiona no Internasional.

Lansamentu ne’e hetan partisipasaun husi lideransa lokal sira, autoridade suku, membru komunidade, no parseiru relevante sira. Durante atividade ne’e, partisipante sira simu informasaun kona-ba objetivu no benefísiu hosi implementasaun programa Suku Digital iha sira-nia área.

Ho lansamentu ida ne’e, espera katak komunidade iha Suku Poetete no Lodudu bele aproveita teknolojia digital atu hetan informasaun ne’ebé loos, lalais no fiar, nune’e mos suporta dezenvolvimentu komunidade no partisipasaun sidadaun iha prosesu dezenvolvimentu nasional.