SISD-POETETE – LODUDU, 02 JUNHU 2026 – Xefi Suku Poetete Lodudu Eurico de Jesus Soares hato’o agradesementu ba IX Governuu Konstitusional liu husi Sccretaria Estado Komunikasaun Social ne’ebe ho ninia politika ba estabelese Plataforma dijital iha Suku Poetete-Lodudu, Munisipiu Ermera.

Xefi Suku hato’o liafuan hirak ne’e, iha ninia intervensaun iha abertura ba formasaun jornalismu baziku iha ambitu establesementu sentru informasaun suku dijital iha Poetete-Lodudu, Segunda (01/06) semana ne’e.

“Hakarak agradese ba SEKOMS, liu husi servisu hamutuk ne’e, bele ona tulun ami suku Poetete Lodudu atu fó formasaun hodi nune’e ita bele promove potensialidade suku nian nomos problema oin-oin ne’ebé komunidade sira infrenta”, dehan Autoridade lokál ne’e.

Autoridade local suku poetete ne’e agrdaese tanba Sekoms bele tulun ona suku Poetete Lodudu hodi promove progresu desenvolvimentu suku liu husi informasaun, nune’e komunidade sira bele hatene.

Formasaun ne’e hala’o durante loron lima (5) hahu husi segunda to’o sexta feira semana ne’e, total partisipante besik nain ruanulo, kompostu husi estrutura konselhu suku, joventude no manorin nain sira husi eskola primaria EBF 189 Poetete-lodudu.

Entretantu partisipa iha abertura formasaun ne’e, Diretór Jerál Komunikasaun Sosiál Florindo da Costa, Diretór Diresaun Nasionál Dezenvolvimentu Media Adriano Monteiro, Xefe Suku nomos estrutura suku nian.

Hakerek               : Equipa Formando/a Sentru Informasaun Ssuco Dijital (SISD) Poetete – Lodudu

Editor                   : Equipa Formador Jornal Parade Dijital (JPD) DNDM SEKOMS