Hanesan autoridade lokál suku Poetete Lodudu ne’ebé foin ezisti iha 2025, kompostu husi aldeia Gueguemara, Urletoho no Urluli, ne’ebé Lokaliza iha Postu Administrativu Ermera Munisípiu Ermera, hakarak apresia tebes ba Secretaria de Estado da Comunicação Social (SECOMS) ne’ebé iha planu di'ak tebes hodi kria “Sentru informasaun Suku” liuhusi telejornál ka notísia RTTL nian kona-ba lansamentu suku dijitál, ne’ebé fó sai katak objetivu husi sentru informasaun suku atu promove koñesimentu husi sidadaun hotu-hotu kona-ba informasaun autoridade nian liu-liu iha suku sira ho nune’e ami autoridade suku Poetete Lodudu hakarak husu apoiu ba sua excelencia Sekretáriu Estadu Komunikasaun Sosiál atu bele estabelese mós pilotu ba programa sentru informasaun iha ami-nia suku. Ho objetivu atu atualiza baze dadus suku, area Jeografia suku nian, totál populasaun, kategoria oioin potensialidade suku,diseminasaun informasaun suku nomós problema iha setór hotu-hotu. 

Ikus liu hanesan autoridade lokál, hodi populasaun husi suku Poetete Lodudu tomak hakarak hato’o agradese ba IX governu ne’ebé Lidera husi Maun Bo’ot Kayrala Xanana Gusmão ho nia estrutura tomak ne’ebé hala'o ona servisu ho di'ak iha rai doben ida ne’e no ami fiar katak ba futuru liuhusi IX Governu, bele mós dezenvolve ami-nia suku foun ida ne’e hanesan ho suku seluk.