(OPINIAUN) SISD-POETETE – LODUDU – ERMERA, 04 JUNHU 2026 – Iha era dijital ohin loron, utilizasaun teknolojia sai importante tebes atu apoia desenvolvimentu iha nivel local, establesementu suku dijital sai hanesan meius ida atu fasilita komunikasaun no troka informasaun entre komunidade ho governu local.

Liu husi Plataforma dijital, komunidade bele asesu informasaun konaba programa no atividades desenvolviemntu, hato’o sira nia hanoin no preokupasaun, no partisipa direitamente iha prosesu tomada desijaun sira ne’ebe relasiona ho sira nia moris lorloron.

Liu husi Plataforma suku dijital ida ne’e mos la’os deit promove transparansia no responsabilidade, maibe mos hametin partisipasaun komunidade atu kontribui ativamente ba desenvolvimentu suku ne’ebe inkluzivu no sustentavel.

Tanba ne’e maka politika IX Governu Konstitusional liu husi Secretaria Estado ba Komunikasaun Social (SEKOMS) tau mos prioridade ba seitor komunikasaun sosial. Nudar seitor ida ne’ebe bele kontribui ba desenvolvimrntu nasional liu-liu garante sidadaun sira nia direitu asesu ba infoirmasaun, nudar direitu fundamental ne’ebe konstituisaun halulik ona iha artugu 40 n0 artigo 41.

Nune’e maka Sekretaria Estadu ba Komunikasaun Sosial planeia no establese website ba suku sira ho naran suku dijital iha teritorio Timor-Leste, intensaun realiza programa suku dijital ne’e, hodi kria espasu ba estrutura suku sira, atu divulga informasaun suku no atividades suku nian hodi promove potensialidade suku liu husi kobertura atividades suku nian.

Liu husi politika estabelese Plataforma Suku Dijital nu’udar inisiativa ida atu moderniza sistema komunikasaun no disseminasaun informasaun to’o iha nível suku.

Programa ida ne’e nia objetivu principal mak atu fasilita asesu ba informasaun ofisiál, aumenta transparénsia, no hadi’a ligasaun entre governu no komunidade.

Liuhusi implementasaun Plataforma Suku Dijital, autoridade suku no komunidade bele asesu informasaun importante kona-ba programa governu, servisu públiku, edukasaun, saúde, no dezenvolvimentu lokal ho lalais no efisiente.

Inisiativa ida ne’e mos kontribui atu hasa’e kapasidade dijital ba lideransa lokal no komunidade, nune’e sira bele uza teknologia informasaun hodi apoiu prosesu tomada desizaun no partisipasaun sidadaun hotu nian.

Liu husi plataforma ne’e, komunidade, estudante, peskizador, no ema sira iha rai laran no rai liur bele asesu dadus no informasaun kompletu kona-ba populasaun, estrutura administrativu, lideransa lokal, no poténsia sosiál, ekonomiku no kulturál iha suku ne’e nian

Liuhusi plataforma ne’e, bele fasilita serbisu administrativu liu husi sistema online, website, no rede sosiál atu sai transparente, responsavel, no efisiente. Halo komunidade sai krítiku, partisipativu, no asesu ba informasaun. Hadi’a kbiit ekonómiku, valoriza kultura, no identidade rasik iha nível suku. Kria ligasaun ne’ebé di’ak entre Governu Sentrál, autoridade lokál, no povu atu kria suku dijitál ida ne’ebé aktuál. No fornesa dadus ne’ebé loos no konfiavel ba populasaun. Ho plataforma ne’e, espera katak suku sira bele adapta teknolojia dijitál hodi divulga informasaun ho lalais no efikas.

Tanba ne’e tuir ami nia hanoin ho establesementu Plataforma suku dijital iha Suku Poetete – Lodudu, Postu Administrativu Ermera, Munisipiu Ermera ne’e importante tebes ba dezemvolvimentu local.

Maske nune’e iha mos dezafius balun ne;ebe maka sei hasoru hanesan redi internet, ekipamentu dijital ne’ebe sufisente no konhesementu klean konaba utilizasaun Plataforma dijital. Tanba ne’e presisa presisa formasaun ba lideransa no komunidade atu uza plataforma dijital ho diak liu tan nune’e bele desenvolve suku ida ne’e ba future.

Hakerek               : Equipa Formando/a Sentru Informasaun Ssuco Dijital Poetete – Lodudu

Editor                   : Equipa Formador Jornal Parade Dijital (JPD) DNDM SEKOMS