SISD Suku Poetete Lodudu 13 Junu 2026 – Reprezentante husi Ministériu Dezenvolvimentu Rural no Habitasaun (MDRH) entrega ona osan faze daruak ho montante 60% ba grupu habokur karau iha Suku Poetete Lodudu, atu apoiu atividade hakiak karau iha área refere.

Entrega osan ne’e hala’o ho objetivu atu ajuda membru grupu sira bele hola karau foun no aumenta produsaun animál iha komunidade. Programa ne’e mos hakarak hametin ekonomia família sira liu husi dezenvolvimentu setor pekuária.

Iha okaziaun entrega ne’e, reprezentante MDRH husu ba grupu benefisiáriu sira atu uza osan ne’e ho responsabilidade no tuir planu ne’ebé estabelese tiha ona, nune’e objetivu programa nian bele atinji ho di’ak.

Lider grupu habokur karau agradese ba apoiu husi MDRH tanba ajuda ne’e sei fó benefísiu boot ba membru grupu sira no komunidade tomak.

Programa ne’e hanesan parte ida husi esforsu governu atu promove dezenvolvimentu rural no hasa’e moris povu iha área rural sira.