Iha loron 27 Novembru 2025, ekipa futeból hosi Poetete Lodudu no Lauala hasoru malu iha jogu final torneiu selebrasaun Loron Proklamasaun 28 Novembru. Iha kompetisaun ne’ebé lao ho intensidade aas, Poetete Lodudu konsege hatudu desempenhu di’ak no sai hanesan kampiaun ka primeiro lugar iha torneiu ne’e.

Apoiante sira hosi parte rua marka prezensa hodi fó apoiu ba sira-nia ekipa. Durante jogu, atleta sira hatudu espiritu desportivu, disiplinadu no kooperasaun di’ak hodi hetan rezultadu ne’ebé di’ak ba komunidade.

Ho vitória ida-ne’e, Poetete Lodudu konsege lori troféu kampiaun no haksolok ba komunidade tomak. Rezultadu ne’e mos sai hanesan motivasaun ba joven sira atu kontinua dezenvolve talentu iha área desportu no hametin unidade iha komunidade.

Atividade desportiva ne’e realiza nu’udar parte hosi selebrasaun Loron Proklamasaun 28 Novembru, ne’ebé fó oportunidade ba juventude no komunidade sira atu hamutuk iha ambiente pasífiku no fraternidade.