SISD Suku Poetete-Lodudu,08/07/2026.Xefe Suku Poetete-Lodudu hamutuk ho funsionáriu na’in haat, inklui Xefe Aldeia, halo observasaun ba Refeitóriu EBF Lodudu atu haree diretamente kondisaun no preparasaun servisu refeitóriu ne’ebé fó apoiu ba estudante sira.

Iha observasaun ne’e, ekipa haree fasilidade, limpeza, no ambiente refeitóriu, hodi asegura katak fatin ne’e bele fó servisu ho di’ak ba estudante sira. Sira mos ko’alia ho responsavel sira kona-ba nesesidade no desafiu sira ne’ebé hasoru iha operasaun lorloron.

Xefe Suku hatete katak observasaun ne’e importante atu hatene situasaun iha terrenu no buka dalan atu hadi’a fasilidade no servisu ba komunidade, liuliu ba labarik sira ne’ebé aprende iha EBF Lodudu. Nia mos husu atu hotu-hotu kontinua hamutuk hodi mantein limpeza, seguransa no kuidade ba patrimóniu públiku.

Atividade ne’e hatudu kompromisu hosi lideransa suku no autoridade lokal sira atu apoiu dezenvolvimentu edukasaun no bem-estar komunidade iha Suku Poetete-Lodudu.