SISD Poetete Lodudu 12 de Junu de 2026-Xefe do suku ho estrutura hala’o monitorizasaun ba projetu konstrusaun estrada iha Aldeia Urletoho, Suku Poetete Lodudu, loron ida ne’e.

Objetivu husi monitorizasaun ne’e atu haree progresu servisu, asegura kualidade obra no garante katak implementasaun projetu lao tuir planu no orsamentu ne’ebé aprova ona.

Durante vizita ne’e, ekipa monitorizasaun halo observasaun direta ba kondisaun estrada, ko’alia ho komisaun projetu no komunidade lokal sira kona-ba dezenvolvimentu servisu no dezafiu ne’ebé hasoru durante implementasaun projetu.

Komunidade Aldeia Urletoho hatudu apresiasaun ba apoiu husi PNDS tanba projetu estrada ne’e bele fasilita asesu transporte, hadi’a mobilidade komunidade no fo benefísiu ba atividade ekonomia no sosial sira.

Ekipa monitorizasaun rekomenda atu parte hotu kontinua halo kooperasaun di’ak atu garante projetu remata ho rezultadu ne’ebé di’ak no bele serve komunidade durante tempu naruk.