SISD Poetete Lodudu 17 Junu 2026 – Diresaun Jerál Estrada, Ponte, Prevensaun, Kontrolu no Cheias (DGEPPCC) husi Ministériu Obra Públika (MOP), Representa husi MOP Munisípiu Ermera no kompania kontratadora sira, hala’o vizita sítiu (site visit) ba projetu konstrusaun proteksaun moru iha Suku Poetete Lodudu.

Objetivu husi vizita ne’e mak atu verifika diretamente hare servisu iha fatin, asegura qualidade konstrusaun, no diskute solusaun ba desafiu tekniku sira ne’ebé mosu durante implementasaun projetu.

Iha vizita ne’e, ekipa tekniku MOP no DGEPPCC observa kondisaun obra no fó orientasaun ba kompania atu kontinua tuir padraun tekniku ne’ebé estabelese, inklui aspektu seguransa no sustentabilidade infraestrutura.

Autoridade lokal sira husi Suku Poetete Lodudu mós marka prezensa iha atividade ne’e no hatudu nia apresiasaun ba intervensaun governu nian ne’ebé objetivu atu proteje komunidade husi risco inundasaun no erozaun.

Projetu proteksaun moru ne’e hanesan parte husi esforsu governu sentral no autoridade lokal sira atu fortalece infraestrutura iha área vulneravel sira, nune’e bele hamenus impaktu dezastre naturais no melhora seguransa komunidade.