SISD Poetete Lodudu, 12 junu 2026 — Xefe Suku Poetete-Lodudu partisipa iha serimónia abertura jogu komunitáriu ne’ebé realiza iha Suku Poetete hodi selebra Loron Konsulta Popular 30 Agostu. Atividade ne’e halao ho objetivu atu hametin unidade, solidariedade no espíritu desportivu entre komunidade sira iha suku ne’e.

Iha nia diskursu, Xefe Suku hato’o apresiasaun ba juventude, atleta no membru komunidade hotu ne’ebé fó kontribuisaun ba realizasaun atividade ne’e. Nia dehan katak comemorasaun Loron Konsulta Popular la’ós de’it atu hanoin momentu istóriku ba povu Timor-Leste, maibé mos atu hametin valor dame, demokrasi no unidade nasional.

Jogu komunitáriu ne’e involve ekipa sira hosi aldeia no grupu juventude sira iha área Suku Poetete. Durante eventu ne’e, komunidade sira hatudu entusiasmo no partisipa ativamente iha atividade esportiva no sosial sira ne’ebé organiza.

Liu hosi atividade ida-ne’e, espera katak relasaun entre komunidade sira sei sai di’ak liután no bele promove espírito cooperasaun hodi dezenvolve suku ba futuru ne’ebé di’ak liu.