Pessoal nain tolu husi Sentru Informasaun Suku Dijital Poetete – Lodudu, Segunda (08/06) semana ne’e, partisipa iha formasaun konaba aplikasaun swipe safe no jornalismu baziku durante loron rua iha Salaun Escola Secundaria Geral Publico – Nino Konis Santana – Gleno. (Foto: Doc)

 GLENO, SISD, POETETE, 09 JUNHU 2026 – Pessoal nain tolu husi Sentru Informasaun Suku Dijital Poetete – Lodudu, Segunda (08/06) semana ne’e, partisipa iha formasaun konaba aplikasaun swipe safe no jornalismu baziku durante loron rua iha Salao Escola Secundaria Geral Publico – Nino Konis Santana – Gleno.

Formasaun ne’e fasilita husi Secretaria Estado Komunikasaun Sosial (SEKOMS) servisu hamutuk ho Child Fund durante loron rua hahu husi Segunda (08/06) to’o Tersa (09/06) ho objektivu atu hasa’e konhesementu konaba oinsa hakerek no upload informasaun ka atividades eskola nian inklui informasaun konaba swipe safe ou informasaun konaba protesaun ba labarik iha Plataforma online,  liu husi webside Jornal Parede Dijital eskola nian.

Julio Maya, nudar formando ida husi Sentru Informasaun Suku Dijital Poetete – Lodudu hateten nia sente kontente no orgulhu tanba bele hetan oportunidade hodi tuir formasaun durante loron rua nia laran, nune’e bele aumenta nini amkonhesmenetu iha parte hakerek no uploads informasaun sira ba iha pajina website suku nian.

“Hau sente kontente no orgulhu tanba bele hetan oportunidade hodi tuir tan formasaun iha Gleno, nune’e aumenta hau nia konhesementu iha parte hakerek no uploads informasaun ba iha website liu-liu informasaun kona-ba oinsa proteje labarik sira husi Plataforma online”, dehan Julio.

Nia mos haktuir katak maske sira hetan ona formasaun durante semana ida iha sede suku maibe seidauk naton ba sira>

“Maske ami hetan ona formasaun durante semana ida iha ami nia suku Poetete – Lodudu konaba hakerek no publika informasaun sira ba iha website maibe hau sente ida ne’e seidauk naton ba ami tanba liu husi oportunidade ida ne’e, ami bele aporveita tempu hodi hasa’e liu tan ami nia konhesementu iha area refere”, tenik Julio.

Iha sorin seluk Fredio Noronha Babo Soares, formando ida husi Sentru Informasaun Suku Dijital Poetete – Lodudu hateten formasaun ida ne’e importante tebes tanba bele hasa’e sira nia konhesementu iha parte hakerek no uploads materia ba website suku nian.

“Sente kontente tanba bele partisipa iha formasaun durante loron rua, mai hau sente importante tebes tanba bele aumenta hau nia konhesementu iha parte hakerek no uploads informasaun sira liu husi website suku nian aliende ne’e hau mos bele kompriende konaba oinsa atu proteje labarik sira husi plataforma online ne’ebe aptrezenta husi Child Fund”, dehan Fredio.

Entretanto formasaun ne’ebe halao durante loron rua, hahu husi Segunda to’o Tersa feira (08-09 Junhu) semana ne’e, halao iha Salaun Escola Secundaria Greral Publico – Nino Konis Santana – Ernera, partisipa husi pessoal Sentru Informasaun Suku Dijital Poetete – Lodudu maka hanesan Julio Maya, Fredio Noronha Babo Soares no Deonizio Madeira inklui professor no profesora husi Escola ESGP – NKS Ermera no Jornalista Radio Comunidade Café Ermera.  ***