SISD-POETETE – LODUDU, 03 JUNHU 2026 –  Atividades horticultura sai fonte importante ida atu sustenta moris komunidade iha area rural no urbana sira.

Martinho Afonso Soares,  nudar agrikultor modo iha Poetete ba Sentru Informasaun Suku Dijital, Tersa feira (02/06) semana ne’e, hateten atividades horticultura ne’ebe sira halao hanesan kuda modo nudar meius ida hodi hetan rendementu no sustenta moris familia nian.

“Osan ne’ebe ami hetan hodi atende nesesidade familia nian no selu oan sira ba eskola no hare’e mos parte kultura nian”,

Agrikultor ne’e mos haktuir katak prosesu kuda modo hahu husi preparasaun, halo kantadeiru no halo bibeiru ba modo oan hafoin kontinua fila rai hodi prepara kuda to’o koileta.

“Hasai kanteiru, mistura rai metan ka tau rai metan ba kantadeiru, kuda ona modo, rega modo no hamo’os du’ut, tau pupuk ba modo, hahu husi kuda mai to’o ita koileta, iha semana ha’at nia laran”, dehan Martinho

Nia mos hatutan tipu modo ne’ebe sira kuda durante ne’e, maka hanesan mostarda mutin, mostarda metan no Ropolho.

Hakerek               : Equipa Formando/a Sentru Informasaun Ssuco Dijital Poetete – Lodudu

Editor                   : Equipa Formador Jornal Parade Dijital (JPD) DNDM SEKOMS