SISD-POETETE – LODUDU, 04 JUNHU 2026 – Komunidade Suku Poetete – Lodudu husu ba governu tau prioridade ba konstrusaun ponte liga ba Gleno, tanba durante tempu udan komunidade sira hasoru defikuldade hodi atravesa mota no asesu ba merkadu, servisu publiku no instituisaun edukasaun.

Martinho Afonso Soeres, komunidade husi Aldeia Urluli ba SISD Poetete, Tersa (02/06) hatete bainhira iha tempu udan no mota tu’un, komunidade husi Suku Poetete – Lodudu no Suku vijinhu seluk labele atravesa ba kapital munisipiu tanba mota bo’ot.

“Ponte ne’e importante tebes ba komunidade sira, lori produtu lokal ba kapital Gleno hodi asesu ba mercado, tanba ne’e ami husu ba governu atu halo ponte hodi fasilita ami komunidade, estudante bele ultrapasa bainhira iha tempu udan”, tenik komunidade ne’e.

Iha sorin seluk, Xefi Suku Poetete – Lodudu, Eurico de Jesus Soares hateten husi parte Autoridade suku iha ona planu atu konstrui ponte refere

“Husi parte Autoridade Suku sei la tu’ur nonok deit maibe sei buka nafatin solusaun hodi resolve konaba oinsa populasaun sira bele ultrapasa ba kapiltal Gleno bainhira tempu udan,  tanba ne’e Autoridade tau ona iha perioridade, maibe iha faze deskusaun”, Dehan Xefi Suku.

Tanba ne;e Autoridade Suku husu ba komunidade Poetete – Lodudu atu tau atensaun bainhira ultrapasa mota iha tempu udan.

 Hakerek               : Equipa Formando/a Sentru Informasaun Ssuco Dijital (SISD) Poetete – Lodudu

Editor                   : Equipa Formador Jornal Parade Dijital (JPD) DNDM SEKOMS