SISD-POETETE – LODUDU, 03 JUNHU 2026 – Tuir Politika IX governu Konstitusional liu husi Sekretaria Estado ba Komunikasaun Sosial kontinua establese plataforma suku dijital iha Suku Poetete – Lodudu, nudar dalan ida hodi fasilita komunidade asesu ba informasaun.

Florindo da Costa, Diretur Jéral Komunikasaun Sosial ne’ebe reprezenta Sekretariu Estadu Komunikasaun Sosial (SEKOMS) iha ninia intervensaun bainhira halo abertura ba formasaun konaba jornalizmu baziku ba estrutura konselhu suku, Segunda (01/06) iha Sede Suku Poetete – Lodudu hateten formasaun ba  estrutura no joventude suku importante tebes atu hakbi’it konhesementu konaba oinsa atu bele esplora diak liu potensialidade suku nian liu husi Plataforma suku dijital.

“Husu ba imi atu aproveita halo didiak formasaun ne’e, opurtunidade diak, ne’e programa governu nian liu husi SEKOMS atu lori dezenvolvimentu dijitál ne’e ba iha suku sira, tanba sa’a tenki lansa website ne’e ba imi, maibe molok lansa imi tenki aprende uluk lai, dehan Diretór Jerál ne’e.

Nia hatutan benifisiu husi Plataforma dijitál suku nian maka atu lori suku ba ema hotu atu hatene informasaun saida maka akontese iha suku husi nivel suku ba munisípiu to’o nasionál nomos internasionál.

Formasaun ne’e hala’o durante loron lima (5) hahu husi segunda to’o sexta feira semana ne’e, total partisipante besik nain ruanulo, kompostu husi estrutura konselhu suku, joventude no manorin nain sira husi eskola primaria EBF 189 Poetete – Lodudu.

Entretantu partisipa iha abertura formasaun ne’e, Diretór Jerál Komunikasaun Sosiál Florindo da Costa, Diretór Diresaun Nasionál Dezenvolvimentu Media Adriano Monteiro, Xefe Suku nomos estrutura suku nian.

Hakerek               : Equipa Formando/a Sentru Informasaun Ssuco Dijital (SISD) Poetete – Lodudu

Editor                   : Equipa Formador Jornal Parade Dijital (JPD) DNDM SEKOMS