SISD Poetete Lodudu 25 Junu 2026 – Agrikultór sira iha Suku Poetete Lodudu, Postu Administrativu Ermera, kontinua kuda repolu no ai-horis seluk atu sustenta moris família. Maibé, sira enfrenta difikuldade boot tanba falta bee ba rega to’os, ne’ebé afeta diretamente produsaun agríkola.

Tanba situasaun ne’e, komunidade husu ba ministériu no autoridade relevante sira atu hadia no reabilita sistema irigasaun ne’ebé eziste ona. Komunidade mós husu atu parte relevante sira moti medida emerjénsia hodi responde lalais ba problema falta bee ne’e, atu nune’e agrikultór sira bele kontinua halo atividade agrikultura no evita perdas ba kolheita sira.

Komunidade dehan katak, se laiha intervensaun lalais, problema falta bee bele hamosu konflitu entre utilizadór sira no fo impaktu negativu ba produsaun ai-han iha área refere. Tanba ne’e, sira espera katak governu bele fó atensaun imediata atu garante distribuisaun bee ne’ebé justo no sustentável ba agrikultór hotu-hotu.